ଲଭ କୁଇନ ଅଫ ମାଲାବାର

'ଲଭ କୁଇନ ଅଫ ମାଲାବାର ' ବହିଟି ଲେଖା ହୋଇଛି ପ୍ରସିଦ୍ଧ କବି ଓ କଥାକାର କମଳାଦାସଙ୍କ ଉପରେ । କମଳାଦାସ ଦ୍ୱିଭାଷୀ ଲେଖିକା । ସେ ମାଲାୟାଲାମରେ ଲେଖନ୍ତି ମାଧବୀ କୁଟ୍ଟୀ ନାମରେ। ଇଂରାଜୀରେ ଲେଖନ୍ତି କମଳାଦାସ ନାମରେ । ମେରିଲି ଉଈଶବୋର୍ଡ ନାମକ ଜଣେ ବିଦେଶୀ ଲେଖିକା ଏହି ପୁସ୍ତକଟିକୁ ରଚନା କରିଛନ୍ତି । କମଳାଦାସଙ୍କ ସହିତ ତାଙ୍କର ବନ୍ଧୁତା ଓ ତାଙ୍କ କବିତା ପ୍ରତି ଆକର୍ଷଣକୁ କେନ୍ଦ୍ର କରି ।
ଏହି ବହିଟି ପଢିବା ବେଳେ ମୋର ଏକ ବ୍ୟକ୍ତିଗତ ସ୍ମୃତି କଥା ସ୍ମରଣକୁ ଆସୁଛି । ସେହି କାରଣରୁ ବହିଟି ମୋତେ ଅଧିକ ନିଜର ନିଜର ଲାଗିଲା । ଗତ ଶତାବ୍ଦୀର ଶେଷ ଦଶକରେ ଥରେ ଆମେ କେରଳ ଯାଇଥିଲୁ । ମୁଁ ଏବଂ ମୋର ବନ୍ଧୁ ବିଶିଷ୍ଟ କଥାକାର ଗୌରହରି ଦାସ ଭେଟିଥିଲୁ କମଳାଦାସଙ୍କୁ, ତାଙ୍କ ବାସ ଭବନରେ । ସେତେବେଳେ ସେ ଗୋଟିଏ ଫ୍ଲାଟରେ ଏକାକିନୀ ରହୁଥିଲେ । ଫ୍ଲାଟରେ ଉପର ଘରେ ରହୁଥିଲେ ତାଙ୍କର ପୁଅ । ସେ ତାଙ୍କର ଦେଖାଶୁଣା କରୁଥିଲେ ।
ସେତେବେଳକୁ ସେ ମୁସଲିମ ଧର୍ମ ଗ୍ରହଣ କରିନଥିଲେ ଓ କମଳା ସୁରେଈଆ ହୋଇନଥିଲେ । ସେଇଠି ଆମେ ତାଙ୍କ ସହ କଥାଭାଷା ବେଳେ ଜାଣିଲୁ ଯେ ବିଦେଶରୁ ଜଣେ ମହିଳା ଆସିଛନ୍ତି । ସେ କମଳାଦାସଙ୍କ ଉପରେ ବହି ଲେଖୁଛନ୍ତି । ତାଙ୍କର ବାସଗୃହରେ କ୍ୟାମେରା ଲାଗିଥିବାର ଆମେ ଦେଖିଥିଲୁ । ଆମେ ଶୀଘ୍ର ତାଙ୍କଠୁ ବିଦାୟ ନେଇ ଫେରି ଆସିବାକୁ ବାଧ୍ୟ ହୋଇଥିଲୁ । କାରଣ ପରେ ପରେ ସୁଟିଂ ଓ ସାକ୍ଷାତକାର ଆରମ୍ଭ ହେବ ।
କଥାଟିକୁ ମୁଁ ପ୍ରାୟ ଭୁଲିଯାଇଥିଲି। କିନ୍ତୁ “ଲଭ କୁଇନ ଅଫ ମାଲାବାର” ବହିଟି ପଢିଲା ପରେ ମୋର ସେ ସବୁ କଥା ମନେ ପଡିଲା । କାରଣ ସେଦିନ ଯେ ସାକ୍ଷାତକାର ପ୍ରସ୍ତୁତ କରୁଥିଲେ ସେ ଥିଲେ ମେରିଲି ଉଈଶବୋର୍ଡ।  ଏହି 'ଲଭ କୁଇନ ଅଫ ମାଲାବାର' ର ଲେଖିକା । ଆଜି ତାଙ୍କ ଚେହେରା ମନେ ପଡୁନାହିଁ । କିନ୍ତୁ ମନେ ପଡୁଛି ସେ ଦିନର କଥା ସବୁ ।  
ମେରିଲି ଉଈଶବୋର୍ଡ କାନାଡ଼ାରେ ଜନ୍ମିତ। ସେ ପଢ଼ନ୍ତି କମଳାଦାସଙ୍କ କବିତା। ପ୍ରଭାବିତ ହୁଅନ୍ତି । ଏତେ ଭଲଲଗେ ଯେ, ସେ ଭାରତ ଆସି ଯାଆନ୍ତି କମଳାଦାସଙ୍କୁ ଭେଟିବା ପାଇଁ । ସେଉଠୁ ଆରମ୍ଭ ହୁଏ ବନ୍ଧୁତା। ଯାହା